唔記得著片瞓覺！

自同亞女洗完牙之後，一直都好比心機同佢刷牙，希望可以keep得好ｄ，唔好再黑番，有時食完晏如果記得的話也會同佢刷一次牙，早晚就更不用講喇（一定刷），所以尋晚飲完奶之後就淨係記得同Wing Wing刷牙，竟然唔記得同佢著片片瞓覺......仲要係一直都唔記得，直至半夜亞女喊醒叫 "尿尿"，我哋仲叫佢疴落片片度，點知Daddy再摸吓張床......已經濕哂！（因為平時夜晚一定著片，所以係無舖床墊嘅，結果張床就......)唉！點解媽媽可以咁大頭蝦嘅，真係唔可以再有下次咯！（如果唔係就無覺好瞓咯！）