16-5 去淺水灣

見呢排天氣咁好，尋日就諗住今日帶亞女去吓沙灘喇 (閒日少ｄ人麻!)，於是就約定靚姨同公公，諗住下晝去淺水灣，不過今日靚姨精神麻麻，話唔去喎......唔...係就係有ｄ失望，不過算啦，下次實有機會嘅！所以就只有公公同埋我哋去喇！

去到淺水灣，醫醫肚先，大家睇吓呢份Pizza Hut嘅兒童餐幾靚！

跟住我哋就落沙灘喇，嘩！好曬呀！

媽咪帶我去海邊，居然俾我哋見到隻海星喎，仲郁架，於是公公又去攞ｄ水番嚟養住佢喇！

哈哈！去沙灘唔少得嘅玩意---埋住Wing Wing豬！

最後都俾亞女走甩！

全程亞女都玩得好開心，又玩沙又踢水

，仲唔捨得走忝，見佢咁開心，辛苦ｄ都值得嘅！（不過公公因為無帶多件衫、褲，就攪到濕哂，真係辛苦哂你喇！）到走果陣，亦即係我最狼狽嘅時候（因只得我同亞女沖身），就真係考我功夫喇！花哂ｄ水又凍、亞女又驚，沖完佢又要沖吓自己，好不容易先攪掂，下次真係要有靚姨幫手先好再去喇！）

沖完涼舒服哂！

仲響度玩媽媽頂帽！

次次游/玩完水，亞女都會好攰、好易瞓著，今次都唔例外，上車就瞓喇！zzzZZ