平日媽咪成日諗同亞女去邊度行街街好，都有少少忽略帶佢一齊做吓運動，不過Daddy同ｄ姨姨就俾咗個好好嘅提議我哋，就係去打波同游水喇！
Daddy： 你得唔得架??
打完之後我哋就去咗食飯，今日仍然係無同亞女著片(因為媽媽同Wing Wing都好決心戒片），只間中問吓Wing Wing有無尿尿，食飯其間亞女叫咗一次去廁所（都有嘅），全程無賴濕，算係咁咯之後我哋返屋企坐咗陣、玩咗陣就出發玩第二樣運動--游水喇！
！
去到泳池，又唔係太多人喎，ｄ水都唔算太凍，Wing Wing開頭都有ｄ緊張架，話唒係今年第一次嘅下水禮喎，梗有ｄ騰嘅......
適應咗之後就好好多喇，我哋俾佢坐響池邊，然後同佢玩跳水佢都好鍾意、好開心，都唔算怕水，希望第日佢鍾意游水呢樣運動啦！（有益身心麻！）哈!可能玩得攰得滯，亞女竟然瞓咗四個鐘晏覺，(仲要係媽媽叫先至起身) 犀利!
沒有留言:
發佈留言