10-5 行程豐富

媽媽返工係要輪班嘅，好多時平日都得閒，雖然好多時人哋放假果陣自己卻要返工，但如果俾我揀我都係鍾意返shift，始終可以多ｄ時間陪亞女同屋企人。

就好似今日咁，我返夜，日頭就可以帶亞女去吓街咁喇！行程仲好豐富忝！幾happy!

首先係同婆婆去公園玩咗一陣！

之後就同Daddy、嫲嫲、Auntie一齊飲茶，跟住媽咪就同Wing Wing行街街喇！亞女近日鍾意咗搭車，係都話要搭車，所以行完永安之後就上咗架5B去銅鑼灣喇，諗住行吓反斗城囉！

行完之後我哋就去食雪糕！好味！

跟住我哋就去維園再玩過喇！

Wing Wing揸機影相真係愈嚟愈叻，你睇呢張---都唔差呀！

不過擒高擒低始終係亞女嘅至愛！

媽咪，你睇我幾叻！

１分鐘後......媽咪，咪掛住影相啦，我....唔.....夠力喇！

返到屋企，亞女都仲未見眼瞓，直到四點半先肯瞓，小朋友ｄ精力真係用之不盡....好嘢！

夜晚仲要外出食飯(提前同嫲嫲慶祝母親節食飯)，不過成差唔多七點，亞女仲未起身，咁唯有勉強叫佢起身囉，佢都不知幾唔願，係咁喊

，唉......無計啦!趕時間麻!

我哋去咗三上食日本嘢，好正

! 嫲嫲不嬲都鍾意食日本嘢，今次真係啱哂佢口味咯!

跟住媽媽差唔多要返工喇，Wing Wing就交由爺爺、嫲嫲睇住喇!

都話今日節目豐富架啦!