發霉床

早前訂造咗張單人床俾亞女，但自台灣返港後就出現有發霉情況，由於眼見嘅發霉位置只係床面側的一條邊，其他位置又無事，所以一直都以為係果塊板嘅問題（以為係塊板之前濕咗水），但尋日終於有新發現，公公摸吓上格衣櫃後面塊板，發覺有好多霉，原來一直都係上面ｄ霉跌落嚟嘅......都好，總算搵到個原因.....

咁今日就開始呢個大工程咯......我哋要合力移開個衣櫃，再由頭抹過，一睇.....

真嚇人！ｄ霉多到......

於是唯有不停咁抹、抹、抹，好彩老豆係做裝修者，唔係都唔知點算......佢除咗幫我油番ｄ歷架外，仲幫我油埋櫃後面幅牆，真係好全面，希望今次可以攪掂，唔好再煩咯......（因為已經煩咗好耐喇！）老豆，多謝你呀！

＊＊＊＊＊＊

正當我哋努力呢項偉大工程之際，Wing Wing豬竟然響檯面搵咗個麵包食（提子包），哈！哈！不過一睇，真係好好笑，個麵包竟然食成咁......

咁攪笑，於是乎媽媽又去攞相機影低佢喇！