6-5去姨媽屋企

今日行程豐富，點解？因為媽媽諗住今日帶Wing Wing去深圳姨媽屋企度過一晚夜，所以一早我哋就去公公屋企姨媽媽佢哋喇！

媽咪、Daddy話呢件新衫幾靚喎，所以就特別影張半身相先！

Wing Wing: 不過上到去姨媽竟然帶咗亞表哥仔去超級市場買嘢，所以我就同DD表弟玩喇！

DD，等我教你笑啦，要用手指咁樣篤住塊面架，係姨媽教我架！

Wing Wing:　係笑呀，唔係喊呀，你攪錯咗喇！

DD:　表姐呀，你咁篤法，人哋痛麻！

Wing Wing:　Oh! Sorry呀！等表姐錫番先！

媽媽就幾鍾意呢張相喇，因為影到亞女好似好大個咁！（又好似好高咁、都幾有型！）

之後表哥返嚟就繼續同我玩喇！我哋真係咩都可以玩一餐！你估我哋玩緊咩？

哈！係玩滑梯呀！（都唔知響張床度點玩？？）

 

不過玩玩吓，又出現小朋友嘅經典場面喇--爭嘢玩！

******

食過午飯我哋就出發喇！

呢度就係姨媽屋企喇，Wing Wing就最鍾意玩呢架單車！

Wing Wing: 到底Mickey呢個Post係點擺架呢??

原來係咁！

大家唔好以為佢哋響度睇報紙呀，其實係食緊蛋卷驚佢哋ｄ碎跌哂落地所以墊住乍！

******

到咗夜晚我哋先發覺原來呢到ｄ蚊係好犀利架，亞女８點幾扭眼瞓，諗住俾佢瞓啦，點知......唔洗半個鐘，亞女已經俾ｄ蚊蚊咬咗８粒喇！（唔通亞女ｄ肉真係咁甜，上次就俾ｄ台灣蚊叮，今次就......唉！)之後都係決定唔過夜咯，咪九點幾走人囉......唉！都有少少掃興架，不過無計啦，姨媽間屋無裝沙窗，蚊帳又唔夠，算吧啦！唔通你可以咁忍心佢塊面又好似上次咁咩！