3-5 到訪麼麼家

天色晴朗，心情也舒暢一點

，一早起來，一家人往吃個早餐，便乘車探訪麼麼喇!(哈!其實另有目的，真有點不好意思......)

就係.......諗住一齊試玩吓麼麼Daddy部wii喇!

原來都幾過引，揸住個手掣就好似拎住支球拍咁，幾有動感，我哋d大人一路玩，d細嘅就一路睇，尤其係麼麼，真係想用其他玩具引開佢都唔成功，可想而知部wii果d畫面係幾靚呢!

而Wing Wing就周圍搵麼麼d玩具玩(嘩!直情當好似自己屋企咁喎!)，玩車車啦、玩打鼓啦、睇字咭啦，總之就無時停，而麼麼亦盡顯好客之道，由得Wing Wing玩，真係感激感激!

Wing Wing:　好玩呀！

麼麼：　見你哋玩得咁開心，我又想玩......

麼麼：咦......有部相機對住我噃，我都係唔玩喇！影靚相耍緊！

哈！呢兩張係Wing Wing 幫我哋揸機影架，算係咁啦！

有Daddy響度，就可以同麼麼、麼麼媽一齊合照喇！難得、難得！

（多謝你呀！蝦子餅！

）

＊＊＊＊

不過有一幕亦俾亞女嚇親

，就係當麼麼正坐響度玩緊打鼓之際，亞女竟然從後攬住麼麼條腰，原本我都係諗住亞女太熱情者，點知......佢真係響後面扯麼麼落地，嘩!嚇死我呀!咪即刻扶住麼麼囉，好彩無事，我都未見過亞女咁架，佢一向都玩得幾斯文，表哥仔同佢爭玩具佢都唔會咁暴力(通常都係表哥仔打佢架乍!)我諗亞女開始愈嚟愈自我中心喇，自己鍾意點就要點，所以我更加要同佢講道理，教佢咩係啱、咩係唔啱，希望佢記住媽媽講過嘅嘢，唔好咁容易發脾氣就好喇!

初初亞女都好熱情咁攬住麼麼條腰，我哋都無為意，只驚訝佢咁主動，點知.....可能佢攬上引......

唉！總之就要同麼麼講聲唔好意思啦！Sorry!