24-5 愛心有限？

今晚媽媽返Night，日頭又可以帶Wing Wing去街街喇！去邊好呢

？亞女話想坐電車，好，就去太古城、吉之島逛逛啦！（諗住去到上環再轉車）

我叫亞女睇吓有無車，佢又真係幾聽話喎，好留心咁望住喎！

無嘅？

Wing Wing:有喇！媽媽，有電車喇！

跟住就坐車去吉之島度行咗陣喇！

逛完Jusco, 我哋就過去太古城果邊喇！咁啱有ｄ日式佈置嘅境，就同亞女影番幾張相喇！

我靚無？

＊＊＊＊＊＊

食晏小插曲﹕

今日同Wing Wing 響吉之島個 food plaza果度食lunch，我哋買咗盒麵食(因為亞女鍾意食麵麵），再買盒檸檬茶，坐低咗無耐......對面位女士就話喇﹕咁嘅嘢點食呀？買埋ｄ平嘢食，係人都唔食啦！（咁啱亞女又唔合作，吐咗啖麵出嚟）....跟住再話﹕唉！而家真係愈嚟愈多窮人咯！....果位女士一邊食一邊用ｄ略帶婢視嘅眼神望住我哋，而我，就繼續忙住剪亞女ｄ麵麵、餵亞女食嘢.....　但心裡面就唔係咁舒服

......

聽到呢度，唔知大家點睇？

我哋隔離仲有一對夫婦，果位女士不時都會講吓嘢，例如﹕ｄ粥好稀架，都唔知係咪加咗水(但佢當時係食緊一碗麵架喎)？又例如﹕都係台灣ｄ珍珠奶茶好飲ｄ......　算唔算自言自語呢？憑佢嘅衣著、外型、說話觀察所得，佢可能係有某種精神病（睇對夫婦嘅眼神，佢哋都好似有同感咁），照計，明知佢有問題就唔應該介懷，再加上自己係做精神康復服務嘅，亦接觸過唔少精神病康復嘅老友記，但.....果一刻，心裡面真係有ｄ忟忟地，亞女又唔合作，係咁玩、唔肯食，到最後我唔覺意彈到少少檸檬茶去佢度，佢就大發脾氣，我同佢講sorry，佢就話﹕一句sorry就得架嗱？咁唯有嗱嗱林走人囉！...攪到自己心情都麻麻地

......唔通我嘅愛心真係有限？

早前因工作需要，我去上咗一個關於精神康復嘅堂，亞sir話，原來香港人歧視嘅對象之中，精神病人係排第三，反而智障人士就多被人憐愛同接受，而我，由從事智障人士服務到而家精神康復服務已經有一段日子，心態亦有不少轉變，我承認，以前會真係驚ｄ精神病康復者，但而家接觸多了，覺得佢哋跟平常人差不多，難道平常人發惡不嚇人嗎？根本不須害怕和疏遠他們，甚至有時我更覺他們很可愛呢！

今天的經歷，對我在工作上有很大的提醒，起碼俾我知道若不好好處理自己的情緒，就不能繼續好好上路！

但願你們也能明白，他們所作、所說也只是病患影響，不須放在心上呢！