今日亞女照舊起身去廁所尿尿、出街前尿尿（今朝去咗一陣圖書館）、去完街街返屋企果陣又尿尿，本以為成績唔錯嘅時候，媽媽放工返屋企，公公就已經急不及待咁要同媽媽投訴喇--話亞女成日講大話話要去廁所，不斷咁又除褲、又著褲，一時有尿一時就無嘅，攪到公公信佢又唔係、唔信佢又唔係******
。仲有...瞓晏覺前已經去咗尿尿，咁公公就聽取媽媽嘅意見試吓唔著片瞓覺啦！點知一陣間就已經賴咗喇，激到公公紮紮跳
，Wing Wing對住媽媽唔係咁架喎，你哋話亞女係咪蝦亞公公呢？(定係大家叫亞女、帶亞女去尿尿嘅方法唔同所致呢？
)
瞓到半夜﹕大約兩點半，亞女半瞓半醒咁話要尿尿，我都攰到死，咪叫佢疴落條片度囉，點知佢係都唔肯，係都話要廁所尿尿，激死，咁唯有帶佢去啦--有就有嘅，但疴完就唔肯著番片片喇，只肯著褲褲，一方面欣賞佢咁主動戒夜片，另一方面亦好擔心佢......賴濕張床，唉...點算?最終都係俾次機會佢，結果就唔著片瞓喇......一直瞓到天光(約八點先起身)....咦!又OK喎，無賴濕喎，算你啦!不過......聽晚媽媽返夜(返overnight)，都係唔好博喇，費時攪到Daddy無覺好瞓啦!
沒有留言:
發佈留言