稱職的鐘點

自從亞印印走咗次後，d家務一路都係自己做，但......真係好辛苦，平日我多數做d必須要做嘅家務就算，(清潔廚房呀、抹窗呀、擒高擒底抹嘢呢d就咪攪我喇! )今日第一次請鐘點工人幫手，只做下晝四個鐘，佢好快手、做得亦好乾淨，唔知點解，對佢嘅印象唔太差，佢清潔咗無耐...我仲有信心到...走咗去瞓晏覺忝!瞓醒佢就攪掂哂，仲主動話幫亞女沖涼忝! 哈!今次亞女又跟佢喎，一d都無扭計，仲沖得好開心，最攪笑係當沖完之後，我叫佢唔該姨姨啦...佢竟然話﹕唔該Yati姨姨

(Yati姨姨咪就係之前果個印印囉!

)估唔到亞女見人哋同樣係黑黑地就亂咁叫...攪笑!

響佢哋沖涼之際，我就去咗望吓佢嘅傑作......嘩!真犀利! 抹哂廁所、廚房、所有廳嘅窗、大廳嘅櫃、冷氣機同埋基本嘅掃地、拖地、執整等等......認真效率高，亞女同我響房，所以佢先執唔到房間，如果要做，相信佢都安排到時間去做，犀利!

亞鐘點姨姨走咗之後，我望住間屋，真係有種好舒服嘅感覺，可能係難得唔洗自己做都有咁乾淨啩!正!