24-6 Family Day

星期日嘅family day對好多人嚟講都係好普通嘅事，同仔女去街街係必然嘅事，但對我哋呢個＜Wing Wing家族＞ 嚟講，就唔係咁容易，一嚟媽咪要輪班，未必放到星期日，二嚟Daddy有時都會同d friend去吓街，未必一定有時間family day（以前都會有唔開心嘅，依家就好ｄ喇！明白佢一星期就只有星期日呢日假，有時想安排吓自己嘅節目都好正常，只要平衡得好就ok架喇！）所以唔係成日夾到時間一齊同亞女去街街，不過今日終於可以成事喇

，今日係我哋一家三口嘅Family Day，我哋先去飲咗個早茶，諗諗吓，原來我哋係未試過三口子去嘆茶架（就算以前唔係同屋企人去，我哋都有工人一齊），今次係第一次，唔趕時間，可以慢慢嘆，個感覺好relax! 之後就去咗太古城行街街同去冒險樂園玩玩喇! 不過無帶車仔，去果陣亞女瞓咗覺，要抱住佢就有d辛苦囉!不過佢都好快醒，仲玩得好開心忝！

Wing Wing好鍾意玩車車，上次第一次玩都唔驚，今次就更加唔洗講啦!

至於波波池就係必玩嘅景點，亞女始終都係最鍾意果條勁滑嘅滑梯!同佢玩吓其他嘢都唔多肯!

仲有呢個搖搖藍，係亞女自己話要玩嘅，但見佢玩果陣吽吽地，好似唔多興奮咁喎!

******

之後約五點幾我哋就返屋企喇，今晚諗住煮吓我上烹飪堂學過嘅餸(老公仔話唔自己整吓會好易唔記得喎)，所以今晚我哋就決定試吓整西蘭花帶子喇! 哈!唔好睇少呢味餸呀，點樣炒到d帶子唔縮細都好講技巧架，我就係響上堂果陣學咗呢個技巧喇，一於自己試吓......

Yeah!今次成功喇! ｄ帶子大大粒又夠哂入味，老公同亞女都話好味!果種感覺真係好開心、好滿足! 等我繼續努力，跟師傅學多d好嘢先!