哈!哈! 今日係與蝦子餅一早約好嘅二人世界日，我哋plan咗去Disney，上兩次都係同Wing Wing豬一齊去，今次就將亞女暫託公公處，終於可以慢慢玩番日......Yeah!感謝神! 今日無咩點落雨，我哋十點半就去到，慢慢行吓、玩吓，唔洗湊住亞女，好梳乎!
我哋樣樣都玩吓，食完晏...玩多陣....諗起好想食番上次個叉燒漢堡，又傻傻地再去食個tea, 攪到我哋兩個都勁飽、勁滿足! 跟住我哋行吓、買吓嘢就決定走喇!(因為打算再去旺角行街街!)
******
想買對布鞋好耐喇! 不過一直行唔開去街(或者係成日掛住湊亞女，唔捨得抽時間行街)，所以今日同老公仔去到旺角，就鎖定目標，淨係去波鞋街行，我哋行咗幾間，好快就睇啱心水喇，折咗之後戕三百蚊，價錢ok 啦! 跟住再去買埋d襯番色嘅船襪，行完之後，我哋兩個都好攰，諗住返去接番亞女就返屋企架喇....點知，經過百老匯見到套西片...心思思又想睇番套戲，哈!所以我哋又去咗買飛睇戲喇! 咁又係，難得二人世界，梗係做多d平時做唔到嘅嘢啦!******
結果接埋亞女食d嘢，返到屋企都九點幾咯!好開心、好充實的一天!正!
同老公仔一人買咗一件靚衫！
真係好充實喎！我好耐都冇戲院睇過戲喇！
回覆刪除