戀物狂?

一直Wing Wing都好鍾意揸住把扇撥撥吓，或者咁講，自從佢學識唱＜打開蚊帳＞之後就更加鍾意揸住把扇，但呢幾日佢直情好似鍾意把扇多過亞媽咁，簡直係扇不離手，坐響度又要搵扇扇、去尿尿又要搵扇扇，就連瞓覺都要搵扇扇，仲要係唔要其他扇，只係要佢果把（有隻樹熊同埋長頸鹿嘅扇），尋日同佢出街，佢居然話要帶埋扇扇，我真係覺得佢戀物嘅程度嚴重咗，不過我見天氣咁熱，有把扇都無所謂啦，於是都俾佢帶嘅，但係......長此下去，會唁會養成佢呢個不良習慣呢??

Wing Wing:　媽咪，有把扇咪幾好，太陽曬我都可以遮遮麻！

呢把就係亞女近日戀上嘅扇扇喇！

＊＊＊

同Wing Wing去咗奧海城逛逛，夜晚果餐我哋就去咗仙跡岩度食，睇Menu先知原來有兒童餐，以前好似無架（哈！不過我真係好耐無去過喇！），味道？OK啦！

去完街街返屋企，亞女個人又熱番，即刻同佢抹吓身降溫，同埋貼番張退熱貼，小朋友真係唔容易完全退燒咯！

亞女，你快ｄ好番，媽媽先敢再帶你去街街喇！