27-6 好攰......

今早放工，唔算太攰，於是又諗吓今日同Wing Wing去邊度......點知亞女一直瞓......一直瞓......瞓到11點先起身......真犀利，唉，咁8月點返學呢！

之後大約12點幾，諗住出去食飯，又係咁落雨，攪到又出唔成，唯有響屋企煮麵食，後嚟一點幾有番ｄ太陽，咁我哋先出動！想去銅鑼灣，因媽媽要買份禮物俾人！

買完禮物，就帶亞女去反斗城行吓、睇吓嘢......影咗ｄ相，你睇......Wing Wing幾攪笑！

亞女一見到單車就係咁話要玩，玩完一架又一架，好彩無俾人鬧！

呢架亞女話好靚，我都覺得靚，不過成八舊水呀！問你買唔買！

點解貨架上有小朋友嘅？係咪賣架？（呢張相係我覺得好得意、好可愛所以影嘅！）

跟住又俾亞女氹咗去維園玩玩！佢見到ｄ白鴿，睇到眼定定！

最後媽媽見今日同亞女一樣著紅色衫，就想同佢影番張合照，不過呢張就差少少，原本唔諗住post出來，但亞女個樣實在太qute喇！媽咪覺得佢好Sweet呀！

＊＊＊＊＊＊

之後回程果陣仲要去買餸，因諗住今晚煮飯，所以今日勁攰.......

食完飯仲要洗碗，隻腳好攰，心諗好想老公今晚同我按摩一吓，點知......

佢同亞女玩咗陣，攰到自己都瞓著咗，之後亞女又眼瞓，又瞓埋......

我已經好攰架啦，點知呢兩個我的至愛仲攰過我，結果又係我最遲先瞓.....

好彩，媽媽聽日仲有一天假，無咗要返工嘅壓力！