2-6 發燒 + 嘔 (二)

七點幾媽媽醒咗，即刻摸吓亞女，嘩！勁熱，同佢一探，102點幾，即刻叫醒亞女食藥先，好彩佢都算合作，再俾ｄ水佢飲，見佢其實係精神嘅，係個人熱ｄ架者，於是我就同佢沖涼降溫，沖完就好ｄ囉--無咁熱喇！

之後Daddy都即刻去百佳買番包退熱貼番嚟，同亞女貼咗，就一直都無出過街喇!(因外面實在太熱喇!) 同佢響屋企聽吓歌、跳吓舞，玩吓呢樣、玩吓果樣，佢都不知幾開心，仲愈玩愈精神忝，不過到咗11點幾12要食粥仔嘅時候就瞓著咗，唉...點算? 無計啦，唯有等佢醒先食囉! 等到兩點幾就醒喇!  但為食嘅Wing Wing，又點肯齋食白粥呀，所以最後都只係食咗大半碗乍! 不過算啦，當清清腸胃囉! 而家只希望Wing Wing快ｄ退燒、快d好番就好咯！