18-6 婆婆生日

婆婆，生日快樂！

今日係婆婆嘅正日生日，通常每年嘅上半年我哋都有好多家人生日或者係ｄ節日食飯呀咁，所以呢幾個月都食咗好多餐，不過每次都好開心！今日媽媽又係返晏，所以就約婆婆食中午飯喇，點知亞婆婆個早餐食得好飽，所以都唔係好肚餓......哈！結果我哋簡簡單單食咗少少嘢就算喇！之後我哋又去咗公園仔玩咗陣！好開心！媽咪唔記得帶相機，結果就用婆婆部相機影咗好幾張相，遲d先再post 俾大家睇!