尋日朝早已經湊咗亞女去公公喇（因要開會加埋返夜），加上今日會去旺角學烹飪，所以今早收工都無去接亞女，選擇咗一個人響屋企大覺瞓（真係好耐無試過自己一個人響度瞓覺喇！）
所以.....真係有ｄ掛住亞女，故此，今晚同亞女玩咗陣，再出去食飯。
我哋去咗大快活，果度有個餐係連埋一件tiramisu嘅，之前Wing Wing都食過，！不過果次嘅經驗就係亞女只係食件蛋糕，唔肯食飯囉，所以今次我都醒喇，同ｄwaiter講遲ｄ先攞，又ｏｋ喎，所以今晚亞女都算肯食飯啦！
食完飯等緊件蛋糕個期待樣！
為食樣！
真好味！
阿囡個為食樣好搞笑呀!!!!
回覆刪除...........係呀係呀，湊佢有冇得休息又困身，唔湊佢又日夜掛住心亂如麻。 對住亞囡真係有戀愛的感覺呀。
回覆刪除我都覺得...有時真係揍女辛苦過返工, 真係講一句 "全情投入, 做到最好"......唉, 我有時都想大瞓一場, 休息下, 不過又真係好掛住BB law....計計埋埋一星期都只係有2日同佢一起, 同佢瞓....真係好掛住佢, 唔係為左搵食同養BB, 我會真的唔做工, 專心揍BB.....可惜..."無錢係萬萬不能"架~
回覆刪除很累的時候有時真想一個人瞓餐飽，但當佢地笑咪咪對著你笑時，又會心軟地同佢地一齊玩。
回覆刪除