23-4戒片片之４

今日繼續努力--同亞女戒片，不過媽媽下晝要返工喇，所以仍然只係上晝唔著片，至於下晝......

都情商亞公公幫手帶亞女去廁所嘅，但係公公第一個反應都係如我所料--我邊有咁多時間睇實佢!...

但當我同公公講完亞女呢幾日嘅成就之後，佢都好開心，都肯應承我試唔同Wing Wing著片......希望大家合作，一齊快ｄ同亞女戒片片啦！

今日成績﹕

8:30am:　起身，飲奶奶

8:45am:　帶佢去廁所--有尿尿

9:25am:　Wing Wing自己話有尿尿，仲加咗句﹕快ｄ，咁就梗係娜娜林帶佢去廁所啦！--有尿，不過底底都有少少--哈，我已經覺得亞女好叻架喇！）

11:00am:　出咗街買嘢，之後返嚟去廁所--都有尿，唔錯、唔錯！

下晝嘅成績...就...待續喇！...

...... 原來亞女都識蝦人嘅，佢一去到公公果度又賴尿又賴屎，真係唔知係佢唔慣個環境呢還是係玩嘢喇......不過公公話佢之後到咗夜晚都好d喇，肯自己去廁所尿尿喇....希望明天會更好啦!...因為媽媽明天都要返工呀!公公...辛苦你喇!