29-4戒片片之10

今日Wing Wing照舊一起身就去一次廁所先，之後我哋就準備起程返教會喇！原本都有諗過繼續唔同佢著片出街架，不過諗諗吓，返教會都唔想太分心，一陣間佢緊張得滯又賴點算呢，所以朝早我都有同佢著片出街！

返到教會，始終都係要媽媽分心，點解？因為亞女已經唔鍾意響條片都疴（賴）喇，佢一共叫咗我兩次帶佢去尿尿--唔係玩我架，真係有架，諗諗吓...都幾安慰嘅....到最後離開教會條片都無濕到......叻女！

原本下晝諗住帶亞女去泳池游水嘅，不過天色認真麻麻，所以就決定改日再去喇！我哋跟住就行咗去西區公園個市政，想睇吓果度有無兒童遊戲室，去到見到真係有喎......不過清潔緊，要兩點先再開，嘩！果陣只係1:10pm乍，所以我哋無等呀，去咗隔離個公園度行吓囉！離開教會之後媽媽就無刻意帶亞女去廁所喇！（因為想行得開心ｄ，成日搵廁所好煩架！）所以返到屋企，亞女條片係有濕嘅。（正常！）

下晝響屋企亞女仍然唔著片，我哋已經無主動帶佢去廁所喇，只係間中提吓佢要尿尿，亞女識自己叫去尿尿喇！好嘢

！（有進步！）

夜晚再出動，我哋約咗爺爺、嫲嫲佢哋去譚魚頭度食火鍋，同daddy商量後決定唔同Wing Wing著片出去，會多ｄ問佢去唔去廁所就算，結果......

好正嘅象拔蚝刺身！好味！

Daddy最鍾意嘅--番茄湯底同埋好好味嘅魚湯底

仲有亞女嘅至愛、蝦蝦！

好味！

餐後甜品--嫲嫲俾糖糖我食

我哋由屋企出發一去到旺角就先帶亞女去廁所先，心安ｄ嘛，之後食緊果陣亞女就一共有四、五次話去廁所尿尿--有嘅，全程無賴過，都幾好成績呀，相信照呢個進度，Wing Wing豬好快就可以戒到片喇！

努力！加油呀！