16-4一瞓醒就勁喊...

尋晚因為太夜先食飯，所以亞女臨瞓我都無再俾奶佢飲(況且佢搭車果陣已經瞓咗)，唔知係咪因為咁，佢今早六點幾就已經扭吓扭吓，喊吓停吓，後嚟仲愈喊愈大聲忝

(俾完奶佢飲都仲喊)，攪到Daddy都忍唔住喇，好嚴厲咁鬧佢，我都無阻止，哈!因為亞女實在扭得太過份喇，我完全認同Daddy嘅做法...結果都真係有效，我哋先鬧、等佢平靜咗D再同佢講道理、後再氹....亞女都喊到成個人濕哂.....最後就真係起身喇，仲同佢沖埋涼忝.....(果陣先係七點幾乍....)

食完早餐之後，我就同咗佢去打韆鞦喇，亞女真係超鍾意打韆鞦，玩完又玩，連滑梯、鋼架都要行埋一邊...哈!

你哋睇佢幾開心...

唔講大家就真係唔知喇，亞女著緊呢件紫色背心仔係佢BB果陣著架喇，有相為証，攝於05年6月4號。

哈! 兩個月著佢，依家兩歲都著得落，哈哈!(其實今朝我都係試吓著乍，點知咁著都幾好睇啊!)...

之後我見時間尚早，就帶Wing Wing去多一個公園，不過呢個公園無咩嘢玩架，主要係D公公婆婆響度晨運，媽媽係鍾意呢度有片大草地者(媽媽成日覺得響大草地度影相係好靚架!)咪同佢影吓杷，行吓囉!亞女仲好鍾意響度跳忝。

媽媽語錄﹕亞女呀亞女，你要乖D喇，Daddy同Mammy唔係好想日日咁早起身架乍........