28-4戒片片之9

今早同Wing Wing去街，諗起尋日唔著片去街佢都有賴，所以今次諗住唔博，打算同亞女著片，點知...大家睇吓呢個video佢點講！

今日佳績﹕

9:15am: 　起身--廁所尿尿

10am:　　諗住去街--所以叫亞女去尿尿--有喎！

10:15am:　亞女再叫去廁所尿尿（想唔信佢架喇，但諗住去街，好！信埋你呢次）--點知真係有--叻女！

10:25am:　亞女再叫去廁所　（點解咁多架，咁耐都未出到門口嘅？？）--犀利，今次有開大同細忝！

　亞女堅持唔著片片去街，作為媽媽的我，一定要支持吓佢嘅，所以我都應承佢，俾佢唔著片...

10:50am:　行街街，見到商場有toilet，帶亞女去--不過無！　　（媽媽開始有少少驚，唔知會點呢？）

 

11:30am:　去公園玩完，返轉頭又去返呢個商場嘅廁所--今次有喇！Yeah!　 （媽媽放心哂！）　

12:25pm:　返到屋企，第一時間--去廁所尿尿

1:55pm:　自己叫去廁所--原來有屎、有尿　　（咁多便便嘅？可能食完奇異果啩！）

2:35pm:　自己叫--尿尿

3:30pm:  再去多一次廁所就瞓晏覺喇!

7pm:  嘩!今次瞓咗好耐喎! (不過好彩無賴尿) 一起身就帶佢去尿尿喇!

跟住就響屋企度食飯(今晚有蝦、有玉豆、蒸魚同埋湯，食到亞女lam lam利! 遲d媽咪諗住再去學吓煮餸，希望再學多d菜式!

)

今晚媽媽要返夜，所以帶亞女去尿尿嘅責任就交咗俾Daddy喇!

待續...

亞女都好叻，食完飯無幾耐都有叫Daddy......，但就奇怪淨係叫Daddy囉，後面都無加句話要--尿尿，而且Daddy正幫手洗碗，故亞女就去唔切廁所喇！疴咗一粒屎屎出嚟(哈！好彩唔係爛果隻，唔係就有排洗！）之後Daddy帶咗Wing Wing豬去公園散步，玩咗陣就返屋企喇！

今日成績幾好啊！加油呀！