18-4 天晴（所以去咗好多地方呀！）

尋晚返夜，返工果陣突然落好大雨(哈!原來天文台都準嘅，真係大雨嘅)，點知今早起身又係兩回事----非常天晴

，感覺又唔係好凍，唔...咁嘅天氣，帶亞女去邊好呢??

待續......

哈！結果我哋去咗新嘅中環碼頭果度，原本諗住去皇后碼頭架，就嚟拆ma，不過落車果度唔太就腳，於是咪去呢度囉...

我嘅post係咪好靚呢？

 

之後就去埋皇后像廣場度，媽咪諗起細個好鍾意行呢ｄ三角形，所以咪帶亞女嚟玩囉

 

Wing Wing﹕媽咪，咪怪住影相啦！我...就跌喇！

行程一站又一站，我哋跟住去機鐵中環站果度行吓影吓相呀咁，見到呢境又幾靚喎，於是又想影底佢喇!

點知亞女仲係有ｄ驚好大隻嘅公仔，唔肯行埋去影相，好勉強先影到呢張...

唯有媽媽抱住影啦！

之後果站又係公園，不過今次呢個公園亞女未去過架，媽咪都幾鍾意呢個公園，可能媽咪鍾意玩擒鋼架呀、繩網呀之類嘅嘢啦！呢到都幾啱玩！

哈！以下呢個已經係另一個公園喇，不過呢個就好細架乍，正確嚟講，休憩處就差唔多，不過呢個撓撓板又幾好玩嘅！

今天行程真係豐富，最後媽咪仲帶我去埋食糖水先返屋企，哈！好開心呀！

好味呀！

吓，咁快食唒...無喇！

咁多行程......所以Wing Wing下晝好好瞓！