10-4兩次意外

尋晚返完夜，今朝放工就去公公度湊番亞女，點知公公話亞女尋晚唔肯瞓覺，又扭呢樣又扭果樣，12點幾都唔肯瞓，兩點幾就眼碌碌，係都唔肯再瞓，攪到亞公公都無佢乎(公公，辛苦你喇!)一直到5點先瞓，以前亞女都未試過咁，可能真係因為陌生地方啦，希望下次我再返夜，亞女你就合作d喇!

知嗎?

到咗下晝，媽媽響屋企執衫，點知亞女又要幫手摺衫，係都要擒上張床度，自己又唔小心，就跌咗落地，好彩媽媽及時睇到，一手就捉住佢，不至於跌得太'應'，只係個咀唇有d流血......

至於第二次意外，就係夜晚帶亞女去遊戲室嘅時候發生嘅，我哋玩到差不多尾聲，有一刻佢可能以為我想走喇，咁就懶醒咁去開門，咪唔小心夾到手指囉，所謂十指痛歸心，我諗佢都幾痛架，咪係咁喊囉

.....

所以話呢，細路仔真係睇少眼都唔得架!.....