之前帶亞女出街，佢知道一去街媽媽就唔抱，肯自己行，就算間中扭吓抱都有個時間或者距離，例如同佢講抱到邊度邊度就唔抱喇，佢都明亦做得到，但近呢幾日帶佢出街係都要扭抱，初初Daddy媽咪以為因為佢近日病緊，可能係唔舒服扭吓計，我哋都心軟會抱吓，諗住遲d佢好番d先再同佢講數，點知而家藥都食完喇，帶佢出街依然係咁扭抱，仲耍係勁扭果隻，點氹點鬧都無用，真係俾佢激死，媽媽又唔想佢成日喊(因佢未好得哂，一喊又聲沙又鼻水長流咁)都唔知點好，同佢講理都講到我喉嚨痛，Daddy仲唔好老脾，氹又唔係鬧又唔係，真係火都嚟埋!
除咗呢樣，亞女響屋企都一樣扭，咩都扭，一有d咩唔合佢心意就忟憎，d笑容都唔知去哂邊，係咁喊係咁喊......唉!對住佢，真係少d氣都唔得!點算!
衰就衰在Wing Wing響屋企同學校完全係兩個樣，響學校超乖、唔喊、唔扭計、得人鍾意及稱讚，攞命.....擺到明係蝦Daddy媽咪，連爺爺嫲嫲、公公婆婆都係咁講!
你哋話我可以點........不如戴個面具扮劉老師算吧啦!
原來Nana同wing wing係學校同屋企的情況都好似。
回覆刪除我相信「扭」呢樣嘢都係一個階段。據我既對身邊小朋友的觀察，佢地有一段時間係會特別扭。佢地好似在測爸媽的底線。不過我覺得如果真係唔舒服都可以理解。但如果無理由地扭爸媽就要有立場。
或者爸媽是但一方做醜人，另一方試圖用另一些事物distract佢。另一樣就是「加上百般的忍耐！」是我們一個大考驗！我都努力學緊！
wing wing媽咪，不要氣餒！為你打氣！
琳琳情況一樣, 開頭老師說琳琳在校情況我真係唔多信. 原來, 大家的小朋友都一樣
回覆刪除在家成日 扭, 出街要人抱, 又成日黑口黑面對住我, 一唔如意就cry. 成日大叫 NO...NO....
真係頂唔住, 所以出年K1報了一間全日的, 無眼屎乾淨x.
我諗momo仲犀利添呀，不過係辛苦左lazy媽。因為佢永遠唔敢叫我抱抱。
回覆刪除可能呢個階段嘅小朋友就係咁，吞吞都一樣，一唔啱佢意，佢就喊，仲要係不停喊，試過搭地鐵响坑口喊到鰂魚涌，成卡車D人都望住我地，尷尬到痺！都唔知點攪！！
回覆刪除