Disney觀禮

Daddy有個朋友響Disney舉行婚禮，尋日就帶埋Wing Wing豬去喇，可以見識吓麻，不過可惜媽媽要返工去唔到，只託Daddy緊記影ｄ相返嚟俾媽媽睇吓！

誰知之前果晚，不幸地亞女開始發燒，媽媽不敢怠慢快ｄ俾退燒藥佢食，同埋貼住張退熱貼瞓覺，佢半夜都退咗燒，媽媽先安心ｄ，但朝早起身都係燒吓退吓咁，不過亞女都好精神，同平時無咩分別，咁Daddy同佢返完教會都照原定計劃去Disney觀禮！

聽Daddy講，婚禮場地有ｄ類近黃金海岸嘅feel，不過好奇怪--竟然係無Mickey同Minnie嘅，真係無諗過喎，等我仲同亞女講有得睇Mickey忝！

之後亞女繼續維持低燒狀態，所以Daddy都急急腳帶亞女睇醫生先喇，返到屋企食完藥就噯佢瞓，希望快ｄ好啦！