8-11 電髮Look

亞女學校今日舉辦第二次嘅生日會，又可以唔洗著校服返學，所以今日湊亞女放學就去咗公園影吓相喇（只係行吓同影相，無玩，因為夜ｄ仲會出街食飯）哈哈！順便可以影吓媽媽嘅最新電髮Look!

Wing Wing幫手揸機，都幾靚！（哈！係個人靚呢......定係幅相影得靚呢！）

輪到媽媽揸機幫Wing Wing影吓靚相喇！

我哋只行咗一陣就返屋企喇，主要係放底個書包同埋紮番條辮，之後又出發去旺角join埋Daddy行街食飯喇！

＊＊＊＊＊

去到見仲有時間就去咗個公園玩吓喇！

Wing Wing執到一塊剛從樹上掉下來的紅色樹葉，好開心咁揸住，話要俾Daddy睇！

真係由天光玩到天黑咯！

跟住join埋Daddy就去咗花園餐廳度食飯喇，計計吓都好耐無嚟花園餐廳食飯咯，可能近年實在有太多選擇啦！