20-11 沙咗聲

今早(20/11)亞女一起身就發覺自己把聲沙沙地，係咁嗌，好似要重複證實多幾次自己把聲唔同咗咁，跟住再同媽媽講﹕點解咁嘅，點解Wing Wing唱唔到歌嘅？原來佢鍾意唱歌嘅程度係咁深，佢真係因為唱唔番之前嘅靚聲有ｄ唔開心架，媽媽唯有同佢玩吓其他嘢等佢分心啦，玩玩吓媽媽諗起舊年年宵買咗個吹氣咪，於是就吹嚟俾亞女玩吓喇！

佢真係唱架，可能響婆婆度唱K唱得多，竟愛上咗揸咪唱歌，就算呢支咁假嘅咪都照殺，攪笑！

不過媽媽當然有提佢唔好再唱咁多啦，要俾喉嚨休息麻，之不過佢又聽我入幾多呢......唯有唱吓抖吓咁囉！