約會朋友仔

4月11日

媽媽呢個復活節取了大假，放埋15號，於是呢幾日假期就帶亞女周圍去吓，亦相約咗一D朋友仔去街街，順便可以用吓架新相機，影吓相~

今日上午約咗之前去旅行認識嘅朋友仔文旋，我哋去咗尖沙咀Charlie Brown Restaurant

兩個小朋友一見如故，老友鬼鬼，仲好合作咁俾我呢位新手攝影媽媽影相忝!

多謝文旋媽咪送給Wing Wing的泥膠，兩個小朋友話要整復活蛋喎!

**************************************************************

食完飯之後，我哋又去北角會合迪迪豬睇叮噹喇!

在商場買滿$300就可以有姐姐教整叮噹喇，不過我哋咩都無買，只係有途人贈票尾俾我哋者，而亞女仲未識整叮噹，只係油上顏色，當整復活蛋咁整，個姐姐話佢係第一個囉!

其實個商場無咩嘢睇乍，我哋想帶小朋友去玩吓，於是又去咗鰂魚涌公園喇~

兩個小朋友都無瞓，真係有得玩就咩都得!