哽親....

早兩日，媽媽在家煮飯(難得...)，蒸咗條魚，炒咗碟菜，點知食食吓飯...

亞女突然 Ur 哂啖飯出嚟，由於佢D飯之中已混埋魚及菜，所以媽媽擔心佢哽骨，即刻同佢拍背，佢Ur 完一啖又一啖，都唔知點解佢收埋咁多仲未吞....之後佢自己猛話有骨、有骨咁，媽媽叫佢唔好講嘢住，慢慢等佢好番D先，當時真係嚇死我，見佢咳到面仔都紅哂，真係有諗過洗唔洗叫白車，好彩亞女慢慢回番氣，無咩大礙....

之後媽媽由佢Ur出嚟D飯餸到摸到嘅並唔係魚骨....而係魚鱗，吓，咁都得!

無錯，真係魚鱗都可以哽親小朋友，大家要小心!