4月5日

4月5日

呢日媽咪陪爺爺返教會，爺爺出院後一直都好想返教會，早幾日牧師同一位姊妹到訪探爺爺，同佢決志，媽媽呢個星期日放假，可以帶到爺爺返教會，於是就約好，一於早D去接爺爺。

我哋擔心爺爺骨痛唔坐得太耐，所以都無返早堂崇拜，只返咗一個長者嘅小組，時間短D，叫做試吓先.....

今次整個聚會過程都陪住爺爺，初初都驚D摺椅佢會坐得無咁舒服，但見佢成程都無周身郁，話坐得好舒服，好感恩，之後佢仲講返對呢個聚會感覺好好，好舒服!感謝神!

我哋之後同埋其他長者一齊去咗飲茶，大家有傾有講，有位吳太仲鼓勵爺爺快D洗禮忝，信而受洗，蒙主祝福!(後記﹕而家同爺爺安排咗26/4早堂有個灑水禮儀式，希望到時嫲嫲都抽到時間去啦!)

真是一個好開始，爺爺話第日佢可以自己慢慢行去忝~

Thanks God!