我的4歲Wing豬

4月4號  我家的小Wing豬4歲喇!

度一度其身高體重，才赫然發現她沒怎麼高過、重過，仍是跟幾個月前差不多，高99cm   重34lbs，哈哈，是個小個子嗎?出世時見其手長腳長，以為似爸爸，原來...似媽媽....

Wing Wing講嘢最叻，食嘢最叻，為食豬仔出哂名，而家開始鍾意食零食，以往媽媽很少給予正餐以外的小食，但隨著亞女要交由不同的人湊，個個做法都不一樣，婆婆、爺爺、嫲嫲就最歡喜見到亞女食嘢，所以咩都俾佢食，連媽媽最堅持唔俾咁多嘅朱古力都話無緊要喎......激c!

Wing Wing另一樣值得贊嘅就係鍾意做功課，佢好主動話要做好功課先，見佢打開手冊睇吓有咩功課做果個樣真係好認真!而佢每逢有填顏色嘅功課佢就鍾意用多種顏色去填，填到七彩咁，咁樣係咪反映佢樂觀開朗呢??

至於Wing Wing嘅弱項﹕瞓覺，近呢一年都有改善喇，我哋堅持教佢要瞓自己嘅床，佢都漸適應，只間中扭計要同我哋一齊瞓，媽媽每晚都會陪佢一陣，有時傾吓計、有時講故事，大家都好享受呢段親子時間。

咁就4歲喇，時間過得真快，捉不到，只願充實過每天，好好享受每一天，人家說小朋友仍未踏上小學，仍讀幼稚園要好好享受，因仍未需要被考試、分數折磨，哈哈，那媽媽要好好珍惜這3年日子喇!

半引導咁叫Wing Wing諗一個生日願望，佢話想學習自己沖涼、自己刷牙，哈!叻女，有目標，咁你要加油喇!

Love u forever!