做功課

媽媽平日寫blog，好少寫亞女學校嘅嘢，其實都要記錄吓，等日後可以慢慢睇番佢嘅成長日程！

亞女開咗都有一個多月喇，到而家為止佢都好鍾意返學，（媽媽真希望佢可以一直維持落去～）自從讀咗K１後，就開始要做功課喇，而Wing Wing亦好鍾意做功課，媽媽一直都俾個概念佢，就係放學返屋企第一件事係要做功課先，當然媽媽會用輕鬆ｄ嘅手法同佢一齊完成，目的係想佢養成良好習慣，亦好想佢自己鍾意做功課，如果由細就養成先做好功課再玩嘅習慣，相信大個咗就唔洗又迫又摧咁叫佢哋做功課喇！

見亞女鍾意返學、學課外活動、睇書書真開心，希望面對香港嘅教育制度，我哋都能好好培育下一代嘅學習興趣！既然香港嘅教育制度係咁多功課、考試，相信就要諗ｄ方法令小朋友愛上學習，Wing Wing係一個樣樣事都三分鐘熱度嘅人，恐怕唔花ｄ時間陪佢學習，佢真係寧願玩、玩、玩咯！

（唯有趁佢還細，陪佢一齊做功課、睇書、油顏色......啦！）