笑話

亞女識講嘢之後一直都有好多笑料，有時真係記都記唔切，所以媽媽都係盡量記低，諗住日後悶悶哋可以睇番笑吓~

(一)

有日同亞女去完麥當當，食完飽飽飲完橙汁返屋企，同佢玩吓泥膠，佢最鍾意扮整嘢食俾媽媽食，又整三文治又整Juice~

女﹕媽咪，你想飲咩呀?

媽﹕唔(扮諗)....飲橙汁啦~

女﹕好呀，你等一等吓!

跟住亞女就攪咗一輪整咗一舊五顏六色嘅嘢俾我，叫我飲..

女﹕媽咪，飲得喇，嗱.....(將杯極品遞俾我)

媽﹕(扮飲)嘩，好味喎，Wing Wing，媽咪同你分享，你又飲啦!

女﹕我唔飲喇，因為我有痰呀!

媽﹕咁你頭先喺麥當勞又飲?

女﹕......(偷笑)

媽﹕.......(激C)

(二)

有日媽媽湊Wing Wing放學，出咗校門，亞女係咁話...

女﹕媽咪，我想睇住人呀?

媽﹕(有D奇怪點解佢咁講)咩呀，你講多次，媽咪聽唔清楚呀!

女﹕媽咪，我話我想睇住人呀!

媽﹕吓，你想睇住人?

女﹕唔係呀!我係話我想睇住人呀!

媽媽叫佢講咗好多次佢都係咁講，正當媽媽R頭之際，亞女講咗一個學校教興趣班亞Sir嘅名，媽媽再諗一陣先知佢講咩......

原來係...

女﹕媽咪，我上體智能呀!