立約

早前媽媽同亞女戒夜晚片，有晚她半夜去咗尿尿，堅持要走嚟大人床瞓(仲唔肯舖防水墊)，係咁話﹕我唔會賴尿架，媽媽自己又攰攰地，都無奈應承佢，點知一早起身發覺佢已經賴咗尿，仲整到媽媽張床濕咗一大塊，於是媽媽教訓佢之餘，靈機一動就話要同佢立約喇.....

媽媽攞起支筆，同佢一齊寫日後應該點樣做....

1. 每晚要瞓自己的床

2. 要舖防水墊瞓覺

3. 急尿要去廁所

叫佢簽名作實，媽媽仲叫Wing Wing仲貼咗一個印有佢名嘅貼紙上去，放響佢最當眼處，希望加深佢記憶......

而家已經隔咗約一個星期喇，亞女真係記得，亦做得到，媽媽不時都提吓佢，而家佢有時會拎住張紙喺度讀，好似識睇哂D字咁，好攪笑....媽媽見呢招咁work，尋晚再加多咗兩樣....

個為食貓尋晚刷咗牙都仲話想食嘢，於是新加一條係﹕

4. 刷咗牙唔可以食嘢

而第5條係媽媽好想Wing Wing做得到嘅...

5. 大人講緊電話，就要安靜

佢重覆咁讀，問佢幾次都記得，仲話會做得到，至於成效如何，他日就知......

亞女，努力呀，Daddy媽咪支持你架!(因為最大得益係.....我哋麻!)