媽媽今年生日決定一家人去吓玩，見上次去番禺無帶亞女，今次點都帶埋佢一齊去~
8月24日 出發喇!
媽咪，生日快樂!(今早亞女一起身就同媽咪講咗呢句喇，仲成日唱住首生日歌俾媽媽聽，冧哂~)
去咁多次番禺都未住過長隆酒店，今次真係好想見識一下，原來入面都好多動物景。
第一站﹕野生動物園
媽媽教wing wing動物園嘅英文係zoo，亞女跟住讀，但就問媽咪點解同shoe一樣嘅.....唔....點答呢??
好難得見到咁多大笨象~
亞女驚驚地咁餵d大象食蕉，好攪笑!
呢隻熊貓攬住舊冰好嘆咁喎~
長頸鹿真係好靚!
哈哈!呢張相係媽咪叫wingwing扮隻馬騮影嘅，扮得好似，超可愛!
大象表演行平衡木
亞女行過平衡木，記得行嘅時候要張開手，就問媽媽點解大象無張開手
，哈!亞女，你真可愛!
第二站﹕四海一家
之前都聽聞過呢間buffet有好多嘢食，今次我哋係專程嚟試吓嘅~結果真係大開眼界，多都你唔信，媽媽最鍾意飲嘅湯都有好多款，飲到我肚漲漲，每人只係$133，(生日者有折)真係值得一試!
補祝wing媽你生日快樂呀!!心想事成,健康快樂!!wing wing熱到成頭汗呀,不過見到咁多真動物,熱都抵吖!
回覆刪除Morris全家祝wing 媽生日快樂，心想事成，wing wing 聽教聽話。
回覆刪除生日快樂, 原來你都是8月生日. 8月真係多人出生.
回覆刪除見你地好開心, 長隆真係好arm family玩.
Nana和媽咪祝你生日快樂！願神的恩典隨著你的年歲愈發增多！
回覆刪除可以一家人去旅行真係好開心∼ Wing Wing媽補祝妳生日快樂，身體健康，家庭幸福∼
回覆刪除