超充實的一天

８月２０日

今早係Wing Wing返學嘅last day，亦係佢返呢間學校嘅最後一日，今日媽媽同亞女嘅行程都非常緊密，點忙法...... 睇睇就知喇！

～　媽媽湊完亞女返學之後，收到Daddy電話通知，心思思去咗排奧運運動員來港示範表演嘅門票，點知一排就排咗３個鐘，最後竟然無哂跳水同我哋至想睇嘅體操，真激ｃ，唯有返屋企啦～

～　之後繼續趕，因為約咗兩個朋友去銅鑼灣飲茶，好耐無同佢哋咁聚吓舊、飲吓茶喇，其中一個仲就嚟生ｂｂ忝，睇怕日後機會仲少，真係要好好珍惜！

～　飲完茶繼續趕去湊亞女放學，因為今日須提早ｄ接亞女放學（去打乒乓波同埋玩體操），之前卜咗乒乓波打４－５，為免徙咗，決定照玩，因為見亞女都好鍾意玩乒乓波

同好好人嘅余老師合照～

～　接住就係去上明愛暑期班嘅第一堂體操班，都幾好玩，呢個暑假亞女參加咗明愛３個班，之前兩個亞女都話唔鍾意玩，只有呢個亞女鍾意，仲有３堂玩，希望佢玩得開心啦！

～　玩到６點半都繼續要趕去下一站，因為約咗琳琳同婆婆睇Show（有樣學樣滿天星），個劇７點半開始，我哋即刻以九秒九趕去，最後都順利到埗，個舞台劇都好好睇～

呢個劇係靚姨推介嘅，佢有份幫手，梗要影番張相啦！

兩位小朋友好鍾意睇人簽名～

～　今日真係超趕，不過真係好充實，樣樣都做得開心，無所謂啦！

～　媽媽今日開始放大假，一直放到９月８號，好開心呀！Yeah！