戒夜片進度

媽媽呢個大假立志要同亞女戒夜晚片片，雖然唔係晚晚成功，但係亞女已經好叻女，見佢都有學習忍吓尿尿又或者肯半夜起身去廁所，有哂唔著片片嘅意識，相信好快可以成功戒到夜晚呢條片片喇!

如果媽媽無記錯，佢由20號開始至而家(30號)呢10日，大約賴濕咗約4晚左右，其餘嘅日子都好叻叻無濕，媽媽好滿意呢個成績咯!希望繼續努力，快d幫手慳番d片片錢啦!