探穎穎

8月16日

出席完學校畢業禮之後，我哋就等埋Daddy一齊去探佢一個朋友喇，佢住太和，我哋都好耐無去過咁遠咯......

搭火車前，俾我哋響新世紀廣場見到呢個咁靚嘅Lego奧運模型，真係好興奮~

出哂名嘅鳥巢

運動村

水立方

划艇

真係好靚，希望keep住唔好拆，搵個博物館擺好慢慢供人欣賞!

*****************************************

跟住去到穎穎屋企，原來穎穎已經等咗我哋好耐，聽佢媽媽講，佢要睇住個閉路電視睇住我哋嚟，聽到都有d感動!

好可愛嘅小妹妹~

有食物亦一齊分享~

我哋食吓嘢、傾吓計，小朋友就一齊玩吓泥膠，好開心，之後媽媽望出窗外，見對面有個運動場，即興講話想帶亞女去跑步(亞女咁耐都未跑過真正嘅運動場跑道)，於是就一齊出發喇，不過咁啱相機無電，影唔到，唯有等穎媽嘅相啦!

佢哋好犀利，可以跑完400米之後，抖一陣又再跑400米，真係後生可畏，跑完真係夠哂運動量咯，大人細路都出哂汗~

穎穎除咗d同學仔就唔多差唔多年紀嘅朋友仔，希望我哋可以多d約埋玩啦!