笑話

（一）

有日Daddy同亞女玩，又打佢個pat pat，Daddy問

爸﹕點解你個pat  pat會軟林林嘅?

女﹕因為我有著底褲架麻....

爸﹕吓，著底褲先軟林林?

女﹕係呀!

此時媽媽已笑得半c，亦不禁再加把咀

媽﹕咁如果無著底褲仔呢?

女﹕..........

媽﹕係咪硬架?

女﹕....係囉.....(佢咁講，我覺得佢玩番我哋囉...)

(二)

媽媽一直都有教亞女學吓襯衫嘅(例如著咩色衫襯咩色褲又或者襯對咩色鞋會好睇d咁)，有日佢想著對紅色鞋，但著咗件有圖案嘅藍色衫，媽媽同佢講不如著涼鞋啦，d顏色好似襯得好睇d，但佢唔多心息，係咁望住自己件衫，勉強俾佢搵到少少紅色，就好興奮咁同媽媽講

女﹕媽咪，我件衫有紅色囉，係咪要著紅色鞋呢?

媽﹕(見佢咁努力去搵d紅色出嚟，都服咗佢...不過照玩吓佢...)但好似藍色多d喎，不如著另一對啦!

女﹕(面有難色)但明明有紅色喎.....

媽﹕哈...好好好，著紅色鞋啦!

(三)

事緣8月8號晚，媽媽同Wing Wing一齊睇奧運開幕，媽媽教佢為中國打氣﹕中國加油!

亞女都好興奮，係咁叫、係咁叫

女﹕中國加油! 中國加油!中國雞有......中國雞有....

(四)

有日帶亞女去公園玩，玩到咁上吓就抖抖飲吓水食吓餅餅，點知亞女一路食仲一路跑嚟跑去，終於自己唔小心跌倒

女﹕(大喊)

媽﹕嗱，食緊餅又走嚟走去，跌親喇!痛痛喇係咪?

女﹕(繼續大喊)

媽﹕係咪好痛痛呀?媽咪呵番喇!

女﹕(繼續大喊)

媽﹕唔好喊喇，邊到痛話俾媽媽聽...

女﹕我塊餅餅呀....(指著因跌倒而從口中跌出來的餅乾說道.......)

媽﹕(哈!喊唔係因為痛痛....而係因為食少一塊餅乾....正一為食貓)