一齊生活!

14-17/10姨媽、表哥同埋DD表弟嚟咗我哋屋企住，剛剛Daddy入咗camp，原本冷清嘅屋企又熱鬧起來，平時表兄妹見面多數都係飲茶去街，一起相處嘅時間唔多，難得今次姨媽放假有時間，就帶埋表哥表弟嚟一齊住吓喇!真開心!

我餵吓你.....

你又餵吓我......

DD話﹕你哋真係當我無到喎......我好似無得食喎......

兩表兄妹一聽即刻補鑊!

公公婆婆都嚟趁熱鬧......

齊齊大覺瞓!

******

今朝食完早餐仲一齊去公園玩吹波波!

你睇佢哋玩得幾開心!

 

玩完之後就等埋公公一齊飲茶，等嘅時候媽咪又將呢個咁可愛嘅情景影低佢喇!

********

節目真豐富，飲完茶又去咗冒險樂園玩!

同表哥一齊玩碌波波，媽咪趁機又提醒亞女要學--排隊喇!

******

間中一齊住吓、玩吓都幾開心，不過見到姨媽湊住兩個無覺好瞓都幾慘，所以媽媽幫得都會幫吓手!Wing Wing，你都要乖乖唔好扭計喇!幫手照顧吓DD都好啦!