1-10 國慶睇煙花

媽媽一連返咗４日早，weekend無假放，所以今日國慶放咗工之後就好想一家人去吓街，想豪ｄ去食番餐buffet，又想帶亞女去睇煙花，都預咗人多喇，不過有時人多先有氣氛嘅！所以同Daddy商量完之後，就決定落灣仔食buffet、睇煙花喇！

哈哈！Wing Wing食咩食到咁投入？？

之唔係呢隻蟹仔囉，細細隻好易食！

哈！佢想同隻蟹仔按摩多ｄ喎！

為食嘅Wing Wing係咁食係咁食，叫佢俾ｄDaddy食都唔肯，呢張相都要叫幾次先影到！

亞女要食雪糕，媽媽都俾佢食，不過杯雪糕咁大杯，媽咪就叫佢唔好食哂，Wing Wing就答話﹕好啦！媽媽正想讚佢乖乖之際，佢跟住就話﹕留番聽日食......真係俾佢笑死！

＊＊＊＊＊＊

跟住就去咗灣仔金紫荊出面等睇煙花喇，比想像中少人，唔洗迫，有ｄ涼風，都唔係太熱！

諗住亞女第一次睇煙花會覺得好新奇，點知原來佢都有ｄ驚，可能現場真係好大聲、好震撼，亞女唔肯自己坐住睇，係都要媽咪抱，笑死！不過睇睇吓佢就開始無咁驚喇，間中仲話好靚忝！

呢次係亞女另一個新體驗，驚又好、唔驚又好，起碼媽媽又了解佢多ｄ啦！