二人行

9/10 係Daddy生日，媽媽決定同蝦子去一個番禺嘅兩天團開開心心玩番吓，所以就要忍心搵公公幫手湊亞女喇！亞女乖乖，Daddy媽咪返嚟買多ｄ嘢俾你食吓！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

10月9日

搭早船去到番禺，天氣晴朗，唔太熱亦唔太曬，好舒服，咁就展開我哋呢個兩日一夜嘅trip喇！

上次去番禺我哋都有嚟呢個蜜蜂養殖場，Daddy試過隻蜂巢素幾好，ｄ鼻敏感真係好番ｄ，所以今次行程會再嚟我哋都唔太抗拒，仲再買到好嘢忝！

食完晏響酒樓門口見到呢ｄ鱷魚龜，媽咪第一次見，覺得好得意！

跟住第二站就去我哋恨去咗好耐嘅長隆水上樂園喇！

呢個大喇叭好好玩，個設計意念亦好特別，正！

著住泳衣玩緊係無得影相嘅，不過呢日無咩人，我哋唔洗排隊，好快玩哂，所以換完衫仲有好多時間慢慢影！

呢個桶儲夠水就會倒落嚟，邊個行正下面就真係好彩咯！

等緊上車有時間又影過！

＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃＃

10月10日

今日去果ｄ景點都係睇嘢、買嘢多，不過唔洗自己煩，我哋都樂於此安排！

 

媽媽好鍾意睇呢個鄉村少年雜技，好精彩，真係同ｄ奧運選手有得揮，呢個妹妹ｄ身手都唔錯架，攪到我都好想俾亞女學體操忝！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

跟住去參觀果園，見識到紅肉超甜嘅火龍果，仲一人有一份水果食忝！

導遊帶我哋見識一吓十萬錦鯉魚聚集嘅情景，ｄ人一喂魚糧，佢哋就係咁搶，犀利！勁！

呢到係咀香園，媽媽正玩緊整杏仁餅！真係第一次玩乍！

坐船個碼頭﹕蓮花山港

～～～～～～～～～～～～～～～～～～～～～～～～～～～～～～～

短短嘅兩日行程過得好快，雖然今次係短線之旅，但係Daddy、媽咪都好珍惜呢ｄ二人行唔洗湊住亞女嘅時間，不過講真，出發果一刻要同亞女分離真係好唔捨得架，好似唔理佢咁，不過亞女你放心，媽咪應承你，出年我哋邊個生日都好，一定帶埋你，一齊玩、好無！

<各位blog友﹕呢篇係私人網誌，Daddy、媽咪唔想公開俾咁多人睇到，所以如果你哋有回應俾我，就記得按私人回應啦，Many thx!>