四小孩聚會

四小朋友相聚，歡樂、攪笑一定唔少得，今日Wing Wing第一次同麼麼、吞吞、博博出嚟行街街同玩玩，好開心，亞女仲異常興奮忝！由響上環約埋麼麼一齊去開始，佢就無停過........一路跑跑跑、跳跳跳、唱唱唱......攪笑！

呢張相大家好似以為得Wing Wing一個女仔，一定會好怕羞.........(哈！不過亞女都交足戲嘅...)

轉個頭已經走嚟走去咯，仲係最企唔定果個忝！激死！

呢個就係吞吞喇！而呢張相就係Wing Wing幫佢影嘅......都幾靚呀！

而Wing Wing就好似好鍾意同博博玩咁，點解？因為亞女鍾意走嚟走去，而博博哥哥就鍾意追呢位女仔囉！

等位果陣見到有位姐姐打緊機，八卦嘅Wing Wing又走睇吓喇！

麼麼﹕抱抱啦！

Wing Wing:　咩話...

....已經抱咗喇！

多謝吞媽同博博媽送嘅禮物，令在場大家都好開心！

情深對望，好sweet但好攪笑！

好開心有今次嘅聚會，真係要多謝麼麼媽嘅聯絡喇！

呢張杷影得幾靚，可惜麼麼行開咗！唔怕，下次再影張靚ｄ嘅！

＊＊＊＊

跟住我哋就去咗小朋友嘅歡樂天地---冒險樂園喇！

好開心、好好玩的一個星期六，咁好玩，所以成個下晝都無瞓晏覺，一直到７點先瞓，仲一直瞓到十點忝，犀利，不過最犀利都係１２點再瞓......一直到第二日１０點！勁！