7-8 閒裏偷忙？

難得呢個星期放大假，就諗住帶埋亞女見吓ｄ朋友，約吓ｄfriend食吓飯，所以今日都好忙，加上中心有ｄ工作未跟哂，所以湊咗亞女放學之後都帶埋佢返咗中心一轉，做埋少少嘢先走，總算完成咗一件事，個心唔洗心掛掛......

呢兩位就係媽媽ｄ同事，亞女好口乖咁叫人﹕姐姐，其實邊係姐姐呀，姨姨就差唔多，哈！

＊＊＊＊＊＊＊

第三站就係去媽媽一個朋友度喇！佢大住個肚（９個幾月喇）不過都行得算快，諗起媽媽果陣臨生之前，真係要慢慢行先得，所以媽媽都向姨姨讚番句﹕犀利！

跟住落咗去樓下個公園度玩玩喇！

呢個繩網原來都幾易差錯腳，初時媽咪顧住影相，且見亞女平時都玩慣，都無企響佢身邊，好彩亞女都犀利，第一次媽媽影緊相果陣就自己行哂，第二次媽媽行番近ｄ果陣先差錯腳，咁媽媽就可以捉得住佢，無事，不過下次媽媽都唔可以再咁大意咯！

至於以下呢輯相就係呢位扮嘢王Show time嘅時候喇！

行程仲未完，夜晚又約咗另一位朋友食飯，於是我哋就去咗旺角喇，人實在好多，但亞女仍然鍾意自己行，仲唔俾媽咪拖住，激死我

，又鬧又氹先去到食飯個地方，可能愈嚟愈大喇，亞女實在好有性格，真要多多為佢祈禱，求神好好管教佢！

＊＊＊＊

成日都無瞓到覺，回程果陣終於瞓咗，仲一覺瞓到天光忝！