12-8 Family Sunday

今日返完教會，準備走嘅時候就收到婆婆來電話姨媽返咗嚟，想一齊去銅鑼灣飲茶，咁啱我哋又係響銅鑼灣--啱哂，於是就一齊飲番餐茶喇！

Wing Wing仍然係好鍾意表哥仔同DD表弟，尤其係響DD面前，真係盡顯其大姐姐本色，又呵呵又噯噯，仲成日控埋DD果度忝，好攪笑！

呢張相仲攪笑---大嘅掛住望鏡頭、細嘅掛住避鏡頭！

＊＊＊＊＊＊

飲完茶之後Daddy同媽咪就帶咗Wing Wing去行街街喇，今日一心諗住去遠少少，所以都風雨不改，去咗馬鞍山廣場，好耐無嚟喇，差ｄ都唔記得呢度有個旋轉木馬忝！一場嚟到，梗要玩番吓嘅！

你睇，Wing Wing真係未玩已先興奮喇！

亞女一心就諗住要坐長頸鹿喇，就算Daddy話俾佢聽隻長頸鹿係無得升高降低嘅佢都一於少理，照玩，真有性格！

個商場入面有個小型動物展覽，於是我哋又入去逛咗個圈喇！

再響商場度玩吓ｄ車車、食吓嘢、行吓街呀咁，對媽咪嚟講真係好有Family day嘅feel，都不枉媽咪攞埋今日大假、聽日先返工，今日真係行程緊密，唔怪亞女回程果陣又大覺瞓啦！（因為佢全程都無瞓過麻......！）