返學情況

亞女返咗學都成兩個禮拜喇，老師都話佢適應得幾好，媽咪亦覺得亞女放學後講多咗嘢（吓！平時已經講好多嘢咯，仲要多ｄ？，哈，無錯，真係再講多咗！犀利！）見Wing Wing都好鍾意返學，媽媽都好安慰，只想佢一直保持呢份投入，繼續努力咁就好喇！

尋日第一日放2:15pm，試瞓埋晏覺，之前聽ｄ老師講小朋友瞓覺最需要安全感，較容易喊，所以媽媽都有ｄ緊張，仲放埋亞女最鍾意揸住嘅扇扇響書包，等佢必要時都可以揸住瞓。到咗2:15pm媽媽去接佢果陣，老師話佢啱啱先瞓著咗，媽媽問咁佢有無喊呀，老師話無，只係初頭自己坐響張床度，坐坐吓自己攰就瞓咗，媽媽聽到都安落ｄ，起碼都係一個好開始麻，之後老師話不如4:30pm放學先再嚟接佢，媽媽當然話好啦！之後再去接亞女放學，老師話Wing Wing一直都瞓得好好，唔開燈都唔起身忝，起身都無喊，叻女！（Wing Wing有時響屋企未瞓醒要起身都會喊架，所以今日響學校無喊，真係叻女咯！

）

今日會繼續放4:30pm，希望佢一樣瞓得好啦！