追蹤者

2007年8月10日星期五

9-8 停課

今日Daddy放假，原本打算送咗亞女返學之後可以有少少私人時間，行吓又或者去做吓運動呀咁，點知起身果陣一睇......已經掛咗３號風球喇.....唉！唯有響屋企齊齊大覺瞓啦！

＊＊＊＊＊＊

媽媽下晝繼續去上烹飪班，而Daddy就同咗亞女去街街，到咗夜晚就齊齊搵埋爺爺同嫲嫲食飯，呢隻Wing Wing豬就最鍾意食蝦蝦，你睇佢食得幾滋味.....

之後為食嘅Wing Wing就拆開嫲嫲買俾佢嘅叮噹糖糖喇，雖然玩多過食，但亞女一樣好開心......

不過Wing Wing玩到咁上吓，嫲嫲見佢淨係掛住玩，所以就幫佢包番好，等佢揸住，但亞女就唔領情，係咁喊......仲愈喊愈大聲.....真扭計！

＊＊＊＊＊＊

講開扭計，亞女呢幾日真係幾扭計，愈嚟愈有自己性格，正如ｄ專家所講，呢個就係反叛期，咩都要玩對抗，你話唔好佢話好、你話去東佢要西，真係成日俾佢激到彈起，好彩媽媽都有樣絕招，就係搵到亞女個死穴喇.....佢最怕就係一隻好耐之前爺爺送俾佢嘅獅子公仔喇，而家我提吓乍....佢都好驚喇，所以佢一扭到太過份，媽媽都會用獅子嚟嚇吓佢......唉....呢個方法有好有唔好啦，始終都係小朋友嚟，你估我真係好想成日嚇佢咩！（亞女，咁你要乖ｄ、聽話喇！）

發佈者： 於
標籤： , ,

3 則留言:

  1. webster8/11/2007

    嚇呢樣嘢係唔好辦法之中既好辦法呀！我間中都用，不過成日都要轉款，因為用耐左吞吞已經適應唔驚喇！！真係呀，佢地而家呢個時期，一逆佢意就會用喊黎解决，真頭痕呀！！

    回覆刪除
  2. Nana8/11/2007

    我阿女就好怕我話﹕「叔叔/姨姨鬧鬧！」每次講呢句佢就會靜哂！因為有一次很係停車場扭計，我叫她望望姨姨，個姨姨好配合我，認真同佢講，「小朋友你唔好扭計！」自此呢招好駛得。 那刻我開始明白，有時自己的小朋友要比人教先至會聽聽話話。

    回覆刪除
  3. Wing Wing 豬8/12/2007

    To Na Na:係呀，係呀！之前我部電腦壞咗，好可能係亞女又開又關整壞，我鬧佢都作用不大，我個同事嚟幫我整番好，佢講一句﹕唔好再亂禁掣喇！亞女就記到而家都唔敢再掂個掣，真係好work!!

    回覆刪除

訂閱： 發佈留言 (Atom)