20-8 去咗水上樂園??

19-8星期日，Daddy,媽咪一早諗住去大圍游水，點解去到咁遠? 哈!好問題! 就係因為呢度有類似水上樂園嘅大大小小長短滑水梯、按摩水池.....簡直係媽媽最愛! 媽媽一到個露天泳池，見到好colourful、好大，亦有好幾條滑梯，真係由心裡面開心出嚟，再望吓身邊果個，原來同我一樣好開心、好興奮，Wing Wing仲好快咁走去玩水水忝! Wing Wing第一次玩果條滑梯都唔驚喇，仲係咁話要再玩，真係一次又一次，玩完一次又一次呀，不過見佢玩得咁開心，Daddy,媽咪都好樂意陪佢玩!

玩玩吓見到池邊原來仲有兩個好似鞦韆嘅搖搖椅，真係未響泳池見過呢d設施(哈!哈!突然覺得自己好似大鄉里出城咁!)

我哋玩咗兩個多鐘頭先離開，泳池唔影得相，唯有響門外留倩影啦!

******

之後再去咗新世紀廣場食嘢同行街街，順便帶亞女玩吓呢個超大嘅兒童遊樂場，之前都同亞女去果d公園好少有氹氹轉玩，今次終於見到，就俾亞女玩吓喇! 佢都唔太驚，不過就好似無咩興趣咁囉!

今日真係幾體力勞動，所以亞女回程例牌--瞓咗!