4-7 唉！手足口

亞女早幾日個Pat Pat罅、腳指、膝頭都有少少好似被虱咬咁嘅紅點，諗住好快好（事實果ｄ好點亦謝得好快），點知尋日朝早同亞女去完街，連媽媽隻手都有ｄ幾痛嘅紅點，心諗唔通被亞女傳染、唔通係手足口病??即刻打電話俾個醫生朋友問問，佢問我亞女呢兩日食得好唔好，有無胃口，又叫我睇吓亞女個口有無ｄ好似飛滋嘅粒粒，如果手、腳、口都有，咁就多數係手、足、口病喇！唉！一睇！真係有（但唔知點解亞女嘅胃口都一樣咁好嘅??為食豬即係為食豬！）無計啦！唯有同佢一齊睇醫生啦！

醫生話呢ｄ都係小朋友之間傳染番嚟嘅，至於媽媽，日夜都要照顧佢，俾佢嘢到都唔奇，醫生仲問係咪去咗波波池......唉！......其實次次玩完都有同亞女洗手架喇，ｄ菌真係犀利......以後都唔去喇！

今日﹕媽媽痛痛的右手

仲有﹕痛痛的左手

睇落ｄ紅點唔太多，但位置正是指頭、指罅、掌心呢ｄ超敏感嘅位置，真係攞命，反而亞女就無咩叫痛，仲好精神咁叫我同佢玩忝，......唉！媽媽食咗ｄ藥都幾攰，仲要湊住個咁有精力嘅Wing Wing、同埋處理日常必須的零碎家務，唉！點算？