唔知各位有無蒸過水蛋呢？你哋又蒸得靚唔靚呢？小妹６月開始報咗個烹飪班，亞Sir教開蒸蟹果陣順便講過吓點樣蒸蛋先至最靚、最滑，我一直都好少煮飯，但今日我終於的起心肝走去試吓，嘩！用亞Sir教嘅方法蒸完真係好靚、仲好滑忝，真係好似燉蛋咁滑！大家想唔想學呢......好！就教吓各位Blog友啦﹕
首先要知道蛋同水嘅比例--係蛋(1):水(1.5)，水仲要係熱滾水（先在水中放鹽）
跟住發蛋，發到咁上吓就邊攪勻邊慢慢落滾水，你會發覺有好多泡，再片起ｄ泡就啱喇！
跟住攞去蒸７分鐘，記得係７分鐘，蒸完蓋住鑊蓋焗佢一陣（約１至２分鐘啦）
咁就得架喇！（食之前你鍾意可以落ｄ豉油）各位不訪試吓啦！但記得試完要返嚟講我知成唔成功呀！等你哋回應喇！
熱水落去d旦度發未起晒旦花??????????唔明???
回覆刪除熱滾水定涷滾水？熱Ｄ蛋會唔會熟左少少？我會試！！
回覆刪除媽咪好叻呀!!!我都未整過等我得閒又整下先
回覆刪除等我都試吓.................食先~
回覆刪除哈！你哋ｄ問題我哋上堂果陣ｄ同學都有問，不過亞Sir一律懶理，只講﹕ 係哋自己試，試完真係唔得先講，徙都係徙兩隻蛋 .....所以....你哋試吓先啦！ （補充﹕吞媽﹕係用熱水呀！）
回覆刪除我噙晚試左喇！不過效果唔得，唔知邊度出錯呀！Ｄ蛋蒸完出o黎仲老過我呀！！ 俾張相你睇吖！
回覆刪除會唔會係蛋同水嘅比例出錯呀，水要多d喎，蛋(1)﹕水(1.5)呀!大火蒸7分鐘再焗一陣呀!再試吓啦!
回覆刪除